解簽佬拆解歐債危機!
已有 930 次閱讀 2012-03-09 02:08歐債問題呢件事,
其實早知會出事,
唔信先睇下“歐”字。
區字本來三個口,
德法意三國就夠,
三口共有十二邊,
開始啱啱十二國,
加埋欠字十五劃,
十七國家太垃雜!
穆迪再來加把口,
慌佢重唔衰到嘔!
再來睇下“歐元區”,
區欠銀元多一區,
係咪即係有排衰?!
歐字區外加個欠,
欠完人情欠人仔,
債仔最大人民幣!
欠字人上一把刀,
當然揾人黎開刀!
手起刀落無人頭!
到底刀落誰家首?
睇下希臘個希字,
巾字頭上打兩叉,
幣字上半“敝”變叉,
最敝就係變成希,
即係得叉個希冀!
攞去一叉得塊布,
用布包“希“做臘味!
咸豐年先還比你!
你話呢次幾和味!
中字口裏劍穿心,
舌劍槍唇多紛爭!
幣值爭論有排問,
中字口中有個一!
民以食為天最得,
國內或去變唯一,
做好內需不可失。
中字一柱頂天地,
經濟復蘇靠晒你!
美字大美國主義,
滿口仁義話哂事!
義字下半我變大,
仁義只是說多美!
有我冇你我大晒,
上面不變是隻羊,
隨時發火主羔羊。
今年壬辰係龍年,
上水下地水覆地,
人人以為降金霖,
隨時水浸襯地霖,
冇事人人笑呵呵,
有事不堪設想噯!
其實是福還是禍,
原全上天安排左,
大富由天小富儉,
凶險在前莫爭先!
無名劍
[X]
發表評論評論 (31 個評論)
抄甘多字要棟是度好耐,個解簽佬唔嫌你阻住他做生意?
抄甘多字要棟是度好耐,個解簽佬唔嫌你阻住他做生意?
藏拙不出手,
强裝同一木,
大俠扮牧童,
芬芳不可藏,
童木震四方!
玩下亂作有咩所謂!
藏拙不出手,
强裝同一木,
大俠扮牧童,
芬芳不可藏,
童木震四方!
玩下亂作有咩所謂!