2014年12月4日 星期四

無名怒摑契弟火燎森 - 第二篇 之 致一個廢柴中的廢柴!

« 返回上一頁
無名劍的財誌
無名劍的主頁 » 打聲招呼

無名怒摑契弟火燎森 - 第二篇 之 致一個廢柴中的廢柴!

熱14 已有 881 次閱讀   2012-05-03 14:42
見BB都講開佢有幾燈, 提醒我要完成呢篇好長但好有意思ge文章. 請大家都睇下呢篇唔係只為駡佢ge文章. 對於今時今拜金主意社會好有意思! 

呢篇野個名好長 : 無名怒摑契弟火燎森 - 第二篇!之 致一個廢柴中的廢柴

因為話左無名怒摑契弟火燎森 - 第一篇! 會有第二，三篇咖啦！

上週睇到條超廢柴又廢up: 致一班廢青 睇到我火都黎！

點會有人咁廢都去批評人廢呢？咩野fucxing logic呀？  

 呢兩位朋友給他的留言真係精要：     
chulung23     24.04.2012 18:14:38
廢青？夠膽用這個形容詞來形容別人，那閣下還算是人嗎？祇是夜狼矣！或是閣下開始承受不起漸漸增加的壓力。

speculator     26.04.2012 21:10:25
你知唔知咩叫normal distribution. 我認識一位朋友，不想做癈青的，把辛苦來的錢跟火兄買了比亞迪。現在已是一名癈青了。 誰說香港沒有李家誠呢? 大家應該一起做李家誠吧。哈


佢條廢拉佬又用佢果種高高在上，前無古人後無來者，有如救世主咁高貴嘅身份地位去"批判"我地呢班"世人"廢青， 世上唔係有你呢種咁高尚嘅上等人，可能世界已經停頓左啦！又係講自己揾錢做生意有幾巴乜閉，但今次找來自己視為偶像嘅另一位神，去令班廢青嘅距離再拉遠 D,咁樣D廢青咪再廢D,佢從而又再升呢，再可以攀下佢個神嘅車邊，咁又再高尚D囉！   

但咪住！咪住！各位觀眾唔好比呢位攝影師嘅鏡頭運用呃左先，試下由佢果個放大再放大由下抄上嘅廣角鏡，zoom返後D, 改用水平角度，用平光鏡唔好放大，1比1比例影下佢全身，睇到咩呢？

咪又係以前果個無料森？同佢在骨場力推儲錢股362,8161到小騰訊82, 由價值投資到訓直條屍.....

由從來只答過無名一句"gum good"到一直無聲出.....

由向股神借了第一個一千萬，到原來係跟股神賭了第一個千萬....

由成日都只係識得講佢唯一一個成功例子"發唔切",到變成家傳戶曉 嘅比亞迪同香會香主.......

由以前日日講大手轟入，到現在只識講呢個係"大鐵頂"學人講風險......

由講炒iPhone係幾咁春秋大業，到現在扮晒神秘講D唔講D想講 自己做生意有幾叻但又怕比人知比人笑(俗語X行又怕).......

由已前在網上一日留言數以百計，到現在不設回覆，facebook都唔敢開，只用單向平台自說自話.........   

乜佢有變過咩？高左？大左？高尚左？成功左？   

好對唔住！真係唔覺！真係R晒頭都揾唔到少少踪影囉！！！   

佢又咪果個當左自己係少年股神好耐，出晒書教人向股神借一千萬，以巴非特徒弟自居，成日大手轟入垃圾，做晒明燈重扮無野，蝕到扒街都當儲緊錢果個死懞仔， 死賭仔，無料森囉！   對無名來說，又咪果個連接無名一招都無勇氣嘅有殼爬蟲類動物，跟本連做手下敗將都未有資格，如果佢可以用錢來衡量一個人係咪廢青，佢朋友有幾超卓，咁佢 對比佢朋友一定係廢青先啦，因為佢自己說佢朋友勁過佢幾千幾百萬倍，同佢話其他人廢青一樣，佢都係覺得自己勁過人地幾千百倍，以一般人得十萬百萬身家可以 叫人廢青，咁佢話自己幾千萬或億可以話人廢青嘅邏輯推斷，佢朋友上面一樣有好多名人叻過佢千百倍，同李X*比佢朋友都係廢青一個啫，咁再同巴非 特，Bill Gate比，就廢廢青，廢廢柴啦！咁再睇返至高無尚嘅佢，佢其實又一個廢廢廢青，廢廢廢柴啫！ 

但笑料係呢個廢廢廢青，廢廢廢柴，出篇文去叫D廢廢廢廢青，揾佢或者佢朋友做借鏡！大家都係同類，都係同一個屎坑，都係屎蟲類，不過大家食緊果舊屎大少唔 同，佢果舊大人幾千萬倍，佢幾咁勁！佢地食果舊細佢咁多就當然係廢廢廢屎蟲啦！但其實講到尾，又咪屎蟲，又咪一樣食緊屎？點解自己食舊屎大D要侮辱人地舊 屎細呢？真係唔明D屎蟲係點諗野？咁我又唔係屎蟲，當然唔會明，子非魚，焉知魚之樂，子非蟲，焉知屎之味？   

大家可能又會話無名又講污joe低俗屎尿屁d Cheap 野，學下有料森咁有品味先得咖，咁高人一等先得咖！？呢個真係level同channel 嘅問題，如果大家明白莊周夢蝶，同逍遙遊講嘅夏蟲朝菌，鯤鵬之喻，就會明我講嘅係好高層次嘅野，一D都唔cheap.   所以大家如果唔同level唔同channel真係好難溝通下，正如有料森常講嘅物以類同，人以群分，就係咁解！但我唔係講緊佢好高層次，相反無名講緊佢 層次好低，一味講揾到幾多錢有幾叻幾巴閉，如果咁樣係普世價值，咁就唔會有"不為五斗米而折腰","士可殺不可辱","人生自古誰無死，留取丹心照汗青", 孔子的魚與熊掌應該改為錢銀與女人，佛祖释迦牟尼就唔應該講"四大偕空", 國父孫中山一早要讓位比袁世凱，聖雄甘地個地位應該低過香港個萬千OL偶像甘比。諾貝爾獎一開始就應該有揾錢大獎!? 

點解古聖先賢都係講人生的意義比金錢更重要，古今中外嘅名人名著都會講人生的追求應該遠超於名利，人生存如果只識得講揾幾多錢有幾叻，其實真係同屎坑裏的蟲無分別，大家都的一樣追求緊"衣食住行"同"榮華富貴",唔同嘅只係大家的存在形式不一樣，所以表現形式都唔同。  

重 有無名十分討厭人話人"廢",因為幾廢都可以回收再造。如果你話人廢，人地只要有一樣野冇你咁廢，你就廢過廢物。而且幾廢嘅人都可以有機會改過做得比你更 好，為何以今日一時光景去判定未來呢？你又點會知幾時有件佢講嘅廢青可以過晒佢頭令佢比廢物更廢呢？但你會話：咁你無名又話人廢，無名話的廢是"心廢", 人唔怕廢，因為廢而能改，善莫大然！所謂人殘志不殘，盲人一樣可以看清這個世界，只要眼盲心不盲就得，最怕是無料森呢種"心盲""心廢"的人，佢完全看不 到自己的丑陋，只以為世上只有少數佢呢種上等人，其他人就廢青，心盲了，廢了，比人廢，人盲左更難救。因為佢地冇左人天生都有而又非常珍貴的自知同自重！   

睇到無料森話人廢青，令無名想起一個相反例子，李連杰大俠武功蓋世，令全世界人知道中華神武的利害，可以說是李小龍之後的後無來者，但佢因年少艱苦練功， 苦無機會讀書，竟然是文盲，但大俠文盲，心不盲。近年努力發展其慈善基金不特止，做善事更出心出力，四川地震，大把國內"明星"都出來大聲講自己認捐多 少，聲淚俱下，許多被發現都是為了知名度, 老吹罷了! 但大俠沒有出聲，只是記者發現大俠在災場，沒有理會自己身份且佢嘅"身家", 和其他工作人員一樣，做下等的搬運及拯救工作，記者發現後，要求訪問，大俠說自己現在是普通工作人員的身份，沒有什麼可以問，大俠還反問記者點解重唔參與 救人工作！其行徑與"火大俠"骂人廢青的英姿真係天地之別已！   

乎用劍者最高境界乃無劍！用武者最高境界乃不用武！不戰而勝，以德服人，才是武學的最高境界，此之謂止戈為武，仁者無敵！此乃無料森窮一生而不察也！

送給所有心不盲, 志不廢的"廢青"們!

無名劍

發表評論評論 (24 個評論)

  • 回覆 舉報
    cpc123456 2012-05-03 15:42
    好!
  • 回覆 舉報
    閒人 2012-05-03 15:53
    火大俠果然廢人廢語！！
  • 回覆 舉報
    3800fans 2012-05-03 16:42
    火大俠火大得滯，火遮眼，只緣身在青山中，不識自己便是一條大廢柴，留駐青山卻苦怕無柴燒；周圍搵廢柴，是剛愎卻不自用也！
    橫看成痴側成瘋，皮黃骨瘦似老童；不識廢柴是碌木，只緣腦生屎眼中。
    話時話，股有升跌，但卻無罪，睇你識唔識幾錢買，幾錢賣：８２　　８１６１我都賺唔少，亦輸唔少；兩條屍死下死吓都有時彈得好好睇睇.....．．．．錯在有人輸左當無事，唔認輸，害人幾次，仲大聲鬧人廢柴
  • 回覆 舉報
    小中中 2012-05-03 16:54
    無名大俠, 好!
  • 回覆 舉報
    tofu_chester 2012-05-03 17:46
    無名兄說得好~
    希望多O的年青人睇到~回頭是岸~

    P.S.打這一篇章...要好氣力呀...HAHAHA...
  • 回覆 舉報
    Ella 2012-05-03 19:15
    good
  • 回覆 舉報
    無名劍 2012-05-03 19:44
    cpc123456: 好!
    對！佢真係好廢！
  • 回覆 舉報
    無名劍 2012-05-03 19:44
    閒人: 火大俠果然廢人廢語！！
    即係痴線佬話人痴線一樣！
  • 回覆 舉報
    無名劍 2012-05-03 19:52
    3800fans: 火大俠火大得滯，火遮眼，只緣身在青山中，不識自己便是一條大廢柴，留駐青山卻苦怕無柴燒；周圍搵廢柴，是剛愎卻不自用也！
    橫看成痴側成瘋，皮黃骨瘦似老童；不識廢柴是碌木，只
    3800大俠如此好詩，應該多作分享！ 兄台詩力實在無名之上！ 詩逢知己千句少！無名回敬你 :

    橫看成龜側成蟲，藏頭露尾似老鼠；不識烏龜是爬蟲，只因一生在殼中。
  • 回覆 舉報
    無名劍 2012-05-03 19:59
    小中中: 無名大俠, 好!
    佢如果有中中兄一半嘅胸襟，佢嘅一生會好唔同！
  • 回覆 舉報
    cpc123456 2012-05-03 20:08
    無名劍: 對！佢真係好廢！
    認同大俠所說最有問題係"心廢".
    雖然我對火燎森認識不多,不過睇佢往績再加睇過下佢d文就知佢咩事.
    一個人可以串但要有料先串得起.無聊就謙d,不斷反省先可以一直進步/將來"串得起"
  • 回覆 舉報
    小阿童木 2012-05-03 20:11
    大俠快人快語，打字的速度一定也十分驚人
  • 回覆 舉報
    3800fans 2012-05-03 20:46
    無名劍: 3800大俠如此好詩，應該多作分享！ 兄台詩力實在無名之上！ 詩逢知己千句少！無名回敬你 :

    橫看成龜側成蟲，藏頭露尾似老鼠；不識烏龜是爬蟲，只因一生在殼中。
    有趣！
    遼參呀遼參：
    井底之蛙，所見不大，富貴浮雲；
    螢火之光，其亮不遠，徒嗟燎原！
    皮下之龜，深居簡出，出則口吐白沬；
    殼中之龜，足不出戶，死而卸甲換錢。

    莫吾能若也？且夫擅一壑之水，而跨跱埳井之樂，此亦至矣。
  • 回覆 舉報
    Fatboy 2012-05-03 21:22
  • 回覆 舉報
    jeffery1013 2012-05-03 21:26
    講得好 !!!
  • 回覆 舉報
    tangkeikei 2012-05-03 22:12
    我覺得＂爽報＂個投資專欄完全暴露晒佢真係好很＂癈＂！
    原本都想博下1211反彈，後來見佢甘勇，都係縮沙算了。如果有＂熊＂仲想沽沽佢添。
  • 回覆 舉報
    monkey 2012-05-03 22:27
  • 回覆 舉報
    大氣的人 2012-05-04 02:22
    佢有佢市場，不過佢個市場係一灘“瘀泥”(比爛泥更無用!)
  • 回覆 舉報
    大氣的人 2012-05-04 02:22
    tangkeikei: 我覺得＂爽報＂個投資專欄完全暴露晒佢真係好很＂癈＂！
    原本都想博下1211反彈，後來見佢甘勇，都係縮沙算了。如果有＂熊＂仲想沽沽佢添。
    1211可以買,不過係$3以下囉。
  • 回覆 舉報
    starofcow 2012-05-04 09:43
    人廢其實唔緊要, 最衰係死不認錯, 害人不淺
  • 回覆 舉報
    心神合一 2012-05-04 10:16
    一般無料的人都中意用踩低別人的方式來提高自己,以前我都見過類似的極端例子。

    無名兄文筆尖刻，一針見血。不過下次可否在前面加一行“下面有可能令人不適的詞語，敬請留意”？因爲剛才本人一邊食早餐一邊拜讀無名兄的大作，看到有排泄物的部分，個胃有少少不適。
  • 回覆 舉報
    無名劍 2012-05-07 09:01
    cpc兄，串唔緊要，但唔好踏人呀嗎！黃郁文夠吋，但佢唔會去踏佢比佢低嘅人，佢都係話D高官狗官！無名都不知幾敬重佢老大家！
  • 回覆 舉報
    無名劍 2012-05-07 09:05
    小童目兄，無名打字似蝸牛，打得長都有手機，幾"一陽指"一野一野"篤",但好在有聯想字同history, 重快過電腦。
  • 回覆 舉報
    無名劍 2012-05-07 09:42
    3800兄 :

    酒不醉人人自醉，
    火不燎燈燈自燎，
    眾裏尋燈千百度，
    那燈卻在垃圾堆深處！
 
[X]
張貼者： 於

沒有留言:

張貼留言

訂閱： 張貼留言 (Atom)