2014年12月4日 星期四

咪咁傻啦香港人！

« 返回上一頁
無名劍的財誌
無名劍的主頁 » 打聲招呼

咪咁傻啦香港人！

熱7 已有 567 次閱讀   2012-03-26 20:17
近日最多人講實係龜兔賽跑，龜笑住贏左，兔流淚輸左。 

接下來就有人"担心"李+×會去做"抽脂"行動，李生都好老實話唔會，其實担心都好多餘，重有D分唔清因果關係。好簡單咁一講就明，如果你去慣一間酒樓食飯，幾十年都無變，同酒樓上上下下都有好多關係，重係佢最大生意伙伴，你大部份早年賺嘅錢都係由佢來，到現在都重有，係佢酒樓有問題嘅時候(可能食物品質，可能服務唔好，或有老鼠)你都唔走。咁如果現在佢轉左個總經理，好似話呢個總經理冇咁好招呼，你估你唔會唔會唔從此就唔再去，我估都一定唔會啦，咪睇下點先囉，最多咪同佢老板講，大家都識左幾十年啦。 

老實講，我就話呢個客肯定唔會同果間酒樓不相往來，唔係話佢好有人情味，只係利之所在，冇生意人會放棄一門做左幾十年都有錢賺嘅生意，除非有更好選擇，但重要計個轉換同機會成本，另一間咁嘅酒樓真係好難揾，甚至可以講冇，因為計晒咁多樣都重未計埋你幾十年來努力建立返黎嘅關係，如果你都七八十歲唔會唔去放棄呢D關係再去重新攪個新嘅呢？ 


其實事實應該係倒轉黎講，你真係剷佢都唔會走！即使如果走，都係大好消息。點解？你有冇睇過大百貨公司"汁粒"係點？啃係清貨大平賣啦！你睇過一間好似佢咁嘅size百貨公司大平賣呀？我都好想！ 

重有見到骨場有位Peggy B 同金大師都好"齊心"咁讚×哥 : 
 特首選舉只得一個結果 

值得一提的是李嘉誠先生盛傳在會見習總後依舊高調挺唐﹐做人有腰骨﹐不向惡勢力低頭﹐值得一讚。

 Piggy B 
欣賞誠哥 討厭純官 

誠哥就是不怕其他人，堅守信念，這是純官天生沒有的品質。所以，這註定純官根本無可能超過彤叔，新世界亦註係咁先。

白居易說「商人重利輕別離」，可見中國人自古對商人淡泊感情的態度為之不爽。如今現代社會，這種態度更甚，甚至是臉不紅耳不熱地出來說自己放棄信念，更用一推推藉口掩飾。 

做人呀，就要學誠哥！ 
兩位大師同大姐所言都好值得大家學習學習. 金大師話: 不向惡勢力低頭﹐值得一讚。佢呢句先最值得一讚, 唔講邊個可以惡, 到底邊個有勢力呢? 你話呢? 

Peggy B都唔弱呀, 一個書包想掟死人咩!  一句 白居易說「商人重利輕別離」問你死未? 無名睇到以為佢係外星人未來過香港, 所以未聽過"新礦神宜" 同君子愛財取之有道一樣. 

表面上同傳統中國人思想都會同意唔好見異思遷，要有腰骨。但用左係一個咁超級成功大商家身上，係咪有些少侮辱左佢老人家嘅智慧呢？用返上面個酒樓論，你唔洗唔洗怕左個總經理，怕得罪佢以後唔比面你？更重要係到底邊位係呢間酒樓有"say"D 呢？ 你係酒樓最大供應商又係佢最大客仔，一諗就知佢驚你老鼠咩？你大老板做大project都要同我講聲，問下我意見，咁講句支持第個又有咩所謂啫。况且佢老人家幾十歲，咩都有，一把年紀都係望留芳萬世啫，做咩要比人講佢怕左個經理仔呢？ 


更重要係，佢要同經理溝通，有十萬九千個方法，你睇到都係台上嘅表演啫，佢揾個手下同佢講咩邊個知呢？ 

以上同骨場一直以來看股票方法一樣......睇黎睇去都係面果"浸"! 

咪咁傻啦香港人！ 

注：以上言論只係評論骨場一些謬誤，並無影射及批評投名好友之意！ 

無名劍

發表評論評論 (24 個評論)

  • 回覆 舉報
    無名劍 2012-03-26 20:19
    用手機打都幾多錯字，遲D改，唔好比黑我呀！
  • 回覆 舉報
    AXA007 2012-03-26 20:44
    換個經理都無減幫襯興趣啦! 幾個字都無損大俠文章的可讀性
  • 回覆 舉報
    bobo 2012-03-26 21:30
    蝦佬 
  • 回覆 舉報
    bobo 2012-03-26 21:31
    無名劍: 用手機打都幾多錯字，遲D改，唔好比黑我呀！
    好難喇 
  • 回覆 舉報
    大氣的人 2012-03-26 22:13
    保證回報有９。９９%,佢走......李小琳即刻仆落香港接佢盤生意。
  • 回覆 舉報
    大氣的人 2012-03-26 22:18
    邊度好搵過香港呀?人又純比少少著數就平息、地鐵加價又無得嘈,換了其他地方一早反枱、拆檔、暴動都有,香港人身矯肉貴敢做D乜?
  • 回覆 舉報
    shivahk 2012-03-26 22:41
    李+X嘛,佢係咩人姐, 挑! 有錢搵你叫佢食屎都會留底, 冇錢搵你認佢做契哥都冇用! 佢係要走就好, 最怕你搵掃把拍佢都唔走, 要走最堅要快D, 仲要係3日內走, 遲一日罰10億! 到時有可以比CY派下錢! lol
  • 回覆 舉報
    無名劍 2012-03-27 01:38
    多謝留言, 改文改到太夜, 要訓先呀! 明日再回復! 
  • 回覆 舉報
    ellaraymond 2012-03-27 08:36
    邊度有野食咪去邊囉...
  • 回覆 舉報
    無名劍 2012-03-27 09:39
    bobo: 好難喇
    咁苛刻呀老師!
  • 回覆 舉報
    無名劍 2012-03-27 09:39
    bobo: 蝦佬
    以後叫我豬佬啦!
  • 回覆 舉報
    siuming 2012-03-27 09:46
    大家都係為左自身利益，唔覺佢咁做可以留芳萬世
  • 回覆 舉報
    無名劍 2012-03-27 10:06
    AXA007: 換個經理都無減幫襯興趣啦! 幾個字都無損大俠文章的可讀性
    維尼個大肚腩真係可以"腹能載舟"!!
  • 回覆 舉報
    無名劍 2012-03-27 10:07
    大氣的人: 保證回報有９。９９%,佢走......李小琳即刻仆落香港接佢盤生意。
    佢如果走, 有大把人搶住上呀!
  • 回覆 舉報
    bobo 2012-03-27 10:08
    無名劍: 咁苛刻呀老師!
  • 回覆 舉報
    無名劍 2012-03-27 10:10
    大氣的人: 邊度好搵過香港呀?人又純比少少著數就平息、地鐵加價又無得嘈,換了其他地方一早反枱、拆檔、暴動都有,香港人身矯肉貴敢做D乜?
    邊度揾咁大隻肥豬日日比佢抽脂, 重要成日歌頌佢咖? 
  • 回覆 舉報
    無名劍 2012-03-27 10:12
    shivahk: 李+X嘛,佢係咩人姐, 挑! 有錢搵你叫佢食屎都會留底, 冇錢搵你認佢做契哥都冇用! 佢係要走就好, 最怕你搵掃把拍佢都唔走, 要走最堅要快D, 仲要係3日內走, 遲一日
    冇錢搵你認佢做契哥都冇用!.....真理!
  • 回覆 舉報
    無名劍 2012-03-27 10:14
    ellaraymond: 邊度有野食咪去邊囉...
    揾野食好易, 但可以做霸主話晒事, 一面食佢D野, 一面又賺錢, 邊度揾呀?
  • 回覆 舉報
    無名劍 2012-03-27 10:19
    bobo:
    山吹老師?? 我係IQ博士呀!!!
  • 回覆 舉報
    心神合一 2012-03-27 11:58
    無人會同money作對，特別是李生，更加無可能。
  • 回覆 舉報
    ellaraymond 2012-03-27 12:29
    無名劍: 揾野食好易, 但可以做霸主話晒事, 一面食佢D野, 一面又賺錢, 邊度揾呀?
    X2
  • 回覆 舉報
    無名劍 2012-03-27 15:21
    siuming: 大家都係為左自身利益，唔覺佢咁做可以留芳萬世
    佢想啫，留芳百世，定遺臭萬年，由你定咖！
  • 回覆 舉報
    無名劍 2012-03-27 17:27
    心神合一: 無人會同money作對，特別是李生，更加無可能。
    佢只會同你d錢作對。
  • 回覆 舉報
    心神合一 2012-03-28 12:27
    無名劍: 佢只會同你d錢作對。
    所以大家都明白點解D錢就越來越少。。。
 
[X]
張貼者： 於

沒有留言:

張貼留言

訂閱： 張貼留言 (Atom)