拈連黏隨 : 笑騎騎,放毒蛇!
已有 691 次閱讀 2012-08-09 20:55講到尾,無名係無證據去證明係真係假,但無名只是信自己的看法同分析力。同樣相信佢係真的都是齋講個"信"字,大家所持的理據可以講一樣"靠估"同"信佢", 邊面可信D呢? 其實都唔重要,也不是無名之前文章重點,重點係"點解冇人懷疑呢"? 如果冇人懷疑係咪就係啱,同唔可以懷疑呢? 以前D人都以為地球係一遍大平地,有條比無名更有好奇心加偉大ge無聊人,提出左"地球"呢樣野,一講就大鑊啦!因為天主教唔信,即係全世界都,重話佢違反聖經,係一個人神共憤ge道德批判,在全無實質證據下提出呢種咁ge言論,死得啦! 結果條友點無名唔記得。 無名廢話一輪想講係,在世人眼中幾合理ge事,其實有一日可能先知,完來咁唔合理。無名指出過唔少廢股,都有好多人曾經覺得無名左佢發達,支持ge人都唔少,但結果點呢。 所以無名只係想有緣ge朋友用唔同方法去分析事情。 (上面所講,都係表達自己想法,也不是想惹是生非,如看了有所不快,無名講定句Sorry先!)
好!入直路,首先大家知唔知自己企左係個同騎呢又古怪加危險ge位呢? 呢種情況好少見,無名都大開睇界。 前面如果再升,可能嚇死你,相反跌都可以一樣。 但無名覺得短線升到一個困局,要過20500較難,20600係另一個好友上限。 就算要過,都應該回下先,總之小心啦!
無名劍
發表評論評論 (39 個評論)
無名自比史上最偉大科學家 - 伽利略, 但伽利略理論有一重點, 就係它是建基於科學証據架!
做人抱懷疑既中立態度處事係可以, 但無証無據去指控一個運動員做假是否一個正確既態度就留比別人去評論啦。
不過教廷都等了三百年才懂反省加道歉。
至於地球係圓古羅馬果時已經有人發現咗,去到伽利略時已經係常識,教會都冇乜人反對,如果唔係麥哲倫邊敢環遊世界。
睇到有d鬼佬財演就成日提呢一點,唔知你信唔信,反正我就唔多信,同埋美國呢期日日先升後回,有d散貨格。
至於地球係圓古羅馬果時已經有人發現咗,去到伽利略時已經係常識,教
地球是圓學說是麥哲倫船隊於1517-1522探險中才首次証實。伽利略係四十年後才出世。但當時沒有Internet, 歐洲大陸的知識仍主要由教士手抄口述相傳, 教廷控制對科學知識有嚴格控制, 在麥哲倫船隊回西班牙後三百年內, 地球是方仍是當時教廷所支持及教授的。
在1642年 (即伽利略死之年), 教皇 Pope Urban Ⅷ (1568 -1644),重伸宣佈太陽環繞地球轉,地球是平的。 地球是平一向是教廷相當時堅持的一套。伽利略的日心論正正與地球是方的教會信念相違背, 自然受迫害。
古羅馬時地球是圓是方也有爭論, 在六世紀Eastern Greek Christian, Cosmas Indicopleustes 仍相信地球是平的。地球是方的爭論在伽利略年代仍正式地存在o 牛頓年代 (1642 - 1727) 地球是圓已經被大部份學者接受, 天文物理學也在17世紀大躍進。
但地球是圓 正式是在1822年才獲教會不"否認", 伽利略的著作"Dialogue"在同年才被教會解禁。 一般市民才公開地談論o
睇到有d鬼佬財演就成日
睇到有d鬼佬財演就成日
要自修六件先夠數
要自修六件先夠數
無名自比史上最偉大科學家 -
咁為咩重要講?其實西瓜兄之前留言,無名都無答, 都係因為刀光劍影,拳腳無眼,唔想傷和氣,現在講都係為左講明我看法,你可以唔同意,正如我都唔同意大部份人意見一樣,講返加利略,佢係科學家,無名係講股佬,佢句句話科學證據,無名句句斷估老點,當然唔可以相比啦。但無名講佢ge重點唔係呢度,係講緊一樣地球係圓咁天經地義ge事完來都曾經在世人眼中係幾咁大逆不道。 重點唔係佢幾有科學跟據,教會幾咁冇理據,重點係一件在我地今日眼中咁合理ge事要用上一個科學家一生去抗爭,真相先可以得到大眾接受。同今次劉翔呢單野雙同ge係佢都係因為對世上公認為事實,地是平,是世界中心咁天經地義ge"事實"作出懷疑,才有之後理論。但無名唔同ge係無名無可能攞出科學跟據來,因為呢單野都唔係科學研究,邊有科學跟據呢? 咁理據呢? 無名講左係無名相信自己看法同分析力,你可以話無都得,但睇返支持呢單野純屬意外的人,除左"信"眼前眼見的事之外,重有咩呀? 話佢睇醫生,醫生證明? 唔好講笑啦,呢件係關乎國家體面ge事,唔好講醫生證明呀,死個醫生都對十幾億人ge國體都係好少事。 一面係講個"信"字,一面就"斷估", 都係海軍對水兵啫。 冇話邊個會啱晒, 如果覺得證據咁實在,西瓜兄可唔可以担保呢單野絕對冇任何可能有人為因數,一定係意外呢?
再講冇科學跟據,或冇證據,係咪唔可以懷疑呢? 可唔可以用一D個人看法同分析方法去推理事情呢? 西瓜兄常講ge玄學,都好難用科學跟據完全咁分析(無名都相信玄學係有理據,但未到可以成為科學跟據,重有好多人覺得係無理據), 但我地都有人有理由去相信呢套分析法,同樣無名都有自己的分析法,雖然你唔會信,但係咪就等如完全無理同唔可以作出懷疑呢? 如果冇證據,係咪就唔可以質疑一件事呢? 如果係咁呢個世界只有yes man, 所有時事評論員都可以收工,所有沒有攞出證據的質疑都要收皮,咁呢個係咩世界? 秦始皇時代?
無名自比史上最偉大科學家 -
西瓜兄話無名偷換了兩個概念,實在西瓜兄係換左個時空同角度去用左現代人ge眼光睇呢件事。 咁會唔會有朝一日,大家又用相反角度看劉翔呢單野呢? 世事真係冇絕對咖!
至於地球係圓古羅馬果時已經有人發現咗,去到伽利略時已經係常識,教
睇到有d鬼佬財演就成日
將估股市, 玄學等同去指人做假都係你先有此看法, 當然你可有此奇特看法, 但容許你位網友在自己貼內飛沙走石都唔出聲是否大俠所為?
有d嘢係大事大非, 如果無証據去指控一個運動員做假, 例如先前的中國女飛魚, 那些英國傳媒沒有攞出證據的質疑, 事後咪要收皮道歉, 唔通英國傳媒學習了秦始皇時代?
要用賤去辯解自己觀點, 例如3800fans, 其實賤贏咗, 之後會有幾多網友尊重?
"教廷係得到好多科學家同神學家ge"理據"支持佢地地平論,相反當時加利略提出ge跟據係被認為一些未被證實的假設。"
無名大俠以上呢句說話從何而來, 定又係各下既空想? 教廷既地平論支持"理據"好似係來自一本經, 不是人。 另一網友已經指出, 加利略生前, Magellan 巳經證實咗地圓論。
http://zh.wikipedia.org/zh-hk/伽利略·伽利莱
在他還在世的時候,伽利略維護哥白尼學說這件事是具爭議性的,那時候大部份哲學家及天文學家還在贊成(最少表面上是這樣的)地心說,也就是認為地球是宇宙的中心。在他於1610年公開支持日心說之後,他受到一些哲學家和天主教教士的激烈反對,後者其中兩人更於不久後的1615年向教廷異端裁判所告發伽利略。儘管對他的指控當時都被撤消,但是天主教會還是於1616年2月對外宣稱日心說是「錯誤且有違《聖經》的」,[8] 而且伽利略還被警告,說要他終止對日心說的支持──而他也承諾了會這樣做。當他後來在他最有名的著作《關於托勒密和哥白尼兩大世界體系的對話》(於1632年出版)中捍衞其觀點時,就受到了裁判所的審訊,被判定「有強烈異端嫌疑」,結果被迫放棄日心說,並在軟禁下度過餘生。
將估股市, 玄學等同去指人做假都係你先有此看法, 當然你可有此奇特看法, 但容許你位
>>>>>>>如果你完全相信眼見就是真的, 絕對可以, 但無名唔會。
將估股市, 玄學等同去指人做假都係你先有此看法, 當然你可有此奇特看法, 但容許你位網友在自己貼內飛沙走石都唔出聲是否大俠所為?
>>>>>> 講估股市同玄學係講每人都有自己看法同理論去分析事情,人人都會有,唔係無名獨有。你話無名用自己看法去懷疑有人做假係奇特? 咁用玄學去分析股市走勢是否好合理同common? 你可以用玄學去分析股市,無名就唔可以用自己看法去分析同懷疑有人做假? 係咩道理呀? 至於你同3800有冲撞,無名係有出聲,但之前做緊野,慢左啫,但無名冇話邊個唔啱,只話自己唔啱,因為兩位互有出手,好難講邊個啱晒,只可以講拳腳無眼,叫大家以和為貴。
有d嘢係大事大非, 如果無証據去指控一個運動員做假, 例如先前的中國女飛魚, 那些英國傳媒沒有攞出證據的質疑, 事後咪要收皮道歉, 唔通英國傳媒學習了秦始皇時代?
>>>>>>>>你呢個例子都係講緊現代有言論自由,唔係秦始皇時代。有人可以懷疑指控有人做假,但錯左,要道歉,好正常。 相反講都唔比就係秦始皇時代。 同樣,下面係講女飞人都比人懷疑過食禁藥,但係check唔到,都係冇證據,就攞左5個金牌。不過,天網恢恢,大是大非就係咁爆左出來。用呢個例子可唔可以話冇證據就唔可以懷疑事情可信性呢? 所以你個例子係講緊言論自由ge可貴。
http://www.cq.xinhuanet.com/news/2008-01/07/content_12145853.htm
要用賤去辯解自己觀點, 例如3800fans, 其實賤贏咗, 之後會有幾多網友尊重?
>>>>>>>無名覺得都係拳腳冇眼,可能有過火地方,但it takes 2 to tango. 無名又唔可以話你係啱晒,只係各人的觀點唔同,但之後佢都收口,重話自己認輸,講 " 對不起西瓜大師跟詩兄,立場不同,無謂針鋒,就此打住,不想鬧事!" 都算比返個彩你啦,對唔不起都講左,咪算數囉。
到底係邊個係黑都變白的辯才能手?
>>>>>>>如果你完全相信眼見就是真的, 絕對可以, 但無名唔
>>>>>>>如果你完全相信眼見就是真的, 絕對可以, 但無名唔
今日才知分析股市原來同誹謗一個人做假原來係同一件事? 我用玄學分析股票贏錢贏到住山頂, 其實我自己都覺好奇特, 此法也有曾有不少網友批評, 但我只能解釋我的方法, 向其他高人求教。由2012年起, 我已經依教我的高人要求下停止再在網上發放每年的分析。
言歸正傳, 我只是想講
無証據去指控一個人做假, 可能係誹謗
無証據去相信一個人冇做假, 做一定唔係誹謗囉,
並非同你所言係一樣, 禁簡單都唔明?
相"艾"唔好口,拳腳冇眼!西瓜兄因為無名瘋言瘋語而惹來不快,無名罪過!再修三件!
今日才知分析股市原來同誹謗一個人做假原來係同一件事? 我用玄學分析股票贏錢贏到住山頂
你覺得你用玄學分析大賺係好奇特,其實無名唔覺得奇特,因為無名相信你的方法有佢道理,但一般人唔明啫。 同樣無名對自事情ge睇法都好奇特,無名估中過會大跌ge廢股,同跌市都有好多(當然有都好多係唔中), 但整體命中率都算高,有好多人話渾水好勁,其實無名以人頭計一條友一定講中多過佢一間公司,無名有好多連跌到幾錢都中,但無名睇股票方法其實唔只可以用在股票上,無名對一些不合理的事,尤其是假的說話,新聞會特別敏感,所以無名對劉翔跌倒單野有好强烈感覺,所以好想講出來,就如你知道玄學方法睇到一些人地睇唔到方面一樣。
但你係講得啱,無名咁講可以構成誹謗! 所以以後都可能忍下口,細細聲講啦!